Shugaban Majalisar Malamai na Kano Sheikh Ibrahim Khalil ya ce mutum ya yi Sallar Tahajjud a gida ya fi lada kuma ya fi alkhairi da albarka.
Malamin ya ce saidai in mutum ba shi da ƙarfin zuciyar yi shi kaɗai ko ba zai samu nutsuwa ba idan yana gida.
Shehin Malamin, wanda ya fito takarar gwamnan Kano a zaben da ya gabata, ya fadi hakan ne a wata tattaunawa da ya yi da Freedom Radio, inda Malamin ya amsa tambayoyi da dama kan Sallar daren ta Tahajjud.
