Daga Saliadeen Sicky
A rana irin ta yau a shekarar 27 Ga Watan Mayu 2014 mai martaba Sarkin Gombe Alhaji Shehu Abubakar ya rasu yana da shekaru 76 a duniya.
Sarkin wanda aka haifa a unguwar Doma da ke cikin birnin Gombe a shekarar 1938, an ce ya rasu ne a asibitin Royal Marsden da ke kan titin Fulham a birnin Landan, inda yake jinyar cutar daji a ranar 27 ga watan Mayun 2014.
Abubakar ya halarci makarantar Elementary da Bauchi Middle School. Ya kuma halarci Kwalejin Barewa da ke Zariya a Jihar Kaduna. An yi jana’izarsa a harabar fadar Gombe kuma an nada dansa Abubakar Shehu-Abubakar a matsayin sabon Sarkin Gombe a farkon watan Yunin 2014.
